WOW! У ЗША выпусцілі «Даведнік каталіцкага хіпстэра»

У ЗША паступіла ў продаж незвычайная кніга - «Даведнік каталіцкага хіпстэра» (The Catholic Hipster Handbook: Rediscovering Cool Saints, Forgotten Prayers, and Other Weird But Sacred Stuff). Яе аўтар, амерыканскі блогер, падкастэр, кандыдат навук па псіхалогіі і журналіст Томі Тай спрабуе растлумачыць міленіялам, што каталіцтва - гэта рэальны нонканфармізм, а хрысціянства не такое старамоднае і сумнае, як здаецца сучаснаму пакаленню.

- У свеце, дзе быць атэістам модна, па-сапраўднаму контаркультурны персанаж зноўку звяртаецца да веры, - цытуе Томі амерыканская прэса. - Зараз нельга звяртацца да моладзі з поўнымі пафасу прамовамі. Мова мемаў і метаіроніі спрацуе лепш.

Спроба даходліва растлумачыць пра нонканфармізм і андеграўднасць хрысціянства разраслася да цэлага даведніка. У ім аўтар не проста даказвае, што святыя былі рэальна крутымі персанажамі, але і тлумачыць, як без усялякага дысанансу максімальна ўгарэць па хрысціянству ў сучасным свеце.

Напрыклад, Томі Тай прапануе свайму чытачу даведацца, як па-каталіцку і бязгрэшна адцягнуцца са святарамі, манахамі і сёстрамі законнымі, убачыць Ісуса Хрыста ў варэнні крафтавага піва, зразумець, як на поўным сур'ёзе палюбіць святую Імшу, ператварыць літургію ў непарыўную частку штодзённага жыцця, разабрацца у Laudato si '- энцыкліцы Папы Францішка.

Кніга не перакладзена на рускую мову, набыць яе электронную і папяровую версію на англійскай можна на Amazon.