Канфлікт за храмы ў Заходняй Украіне: што адбываецца?
- Written by Katolik.life
- Published in Царква
- Comments (1)
Вярнуць святыні патрабуюць уніяты ад праваслаўных, а рыма-католікі - ад уніятаў.
Украінская праваслаўная царква Маскоўскага патрыярхату 23 кастрычніка заявіла аб тым, што ў Каламыі Івана-Франкоўскай вобласці грэка-католікі сілай захапілі Благавешчанскі храм, які належыць УПЦ - унікальны помнік драўлянай архітэктуры. Пры гэтым паведамляецца аб тым, што «так званыя капланы уніятаў жорстка збілі жанчын і іншых праваслаўных»:
- У нядзелю, 22 кастрычніка, дужыя мужчыны ў балаклавах на чале з т.зв. капеланамі УГКЦ, ужываючы грубую сілу, не далі прыхаджанам Благавешчанскай царквы падысці да свайго храма і адслужыць там малебен. На відэа зафіксавана, што людзей білі нават нагамі, - паведамляецца на афіцыйным сайце УПЦ МП. - Адзін з актыўных арганізатараў беззаконняў псеўдакаплан кулакамі наносіў удары праваслаўным. Акрамя таго, ён называў вернікаў УПЦ «біямасай» і «маскоўскімі свіннямі». Уніяты абяцалі «паламаць» тых людзей, якія здымалі іх супрацьпраўныя дзеянні на камеру.
Канфлікт за святыню, якую мясцовыя грэка-католікі лічаць сваёй і патрабуюць вярнуць, працягваецца ўжо з чэрвеня. У УПЦ сцвярджаюць, што уніяты распачалі спробу рэйдэрскага захопу царквы, пасля чаго храм апячаталі, а затым суд прыняў рашэнне на карысць праваслаўнага прыходу, пацвердзіўшы законнасць карыстання храмам.
Каламыйска-Чарнавіцкая епархія УГКЦ распаўсюдзіла сваю заяву пра падзеі вакол храма ў г. Каламыя:
- Пацвярджаем нязменнасць нашай пазіцыі - наша епархія, як і ўся Украінская Грэка-Каталіцкая Царква паслядоўна выступаюць за захаванне ва Украіне міжканфесійнага міру і згоды і нікому не загадваюць і не рэкамендуюць захопліваць сілай храмы або любую іншую маёмасць. Для мірнага ўрэгулявання дадзенай сітуацыі было прапанавана стварыць чатырохбаковую камісію. Спадзяемся, што дадзеная камісія зможа знайсці мірны і справядлівы шлях вырашэння гэтай канфліктнай сітуацыі. Заклікаем духавенства і свецкіх вернікаў нашай Царквы ў Каламыі і ваколіцах не паддавацца на правакацыі, праяўляць хрысціянскую павагу да прадстаўнікоў іншых канфесій, захоўваць паслухмянасць дзяржаўнаму і царкоўнаму закону і пазбягаць любога гвалту ў вырашэнні міжканфесійных маёмасных спрэчак.
Тым часам Арцыбіскуп-мітрапаліт Львоўскі РКЦ ва Ўкраіне Мечыслаў Макшыцкі чакае, што Рымска-Каталіцкай і Грэка-Каталіцкай Цэрквам удасца дамовіцца аб перадачы храмаў, якія калісьці належалі РКЦ:
- Многія касцёлы рыма-католікоаў былі перададзеныя грэка-католікам, праваслаўным і нават пратэстантам. Мы заўсёды будзем прэтэндаваць на нашу ўласнасць, якая была незаконна перададзена іншым, - заявіў Львоўскі мітрапаліт. - Цяпер ва ўласнасці Грэка-Каталіцкай Царквы знаходзіцца 23 храма, якія калісьці належалі рыма-каталікам. Зараз мы просім, каб грэка-католікі вярнулі нам хоць бы дзве царквы з гэтага пераліку храмаў, якія былі калісьці незаконна перададзеныя грэка-католікам.
Related items
- Другую ноч запар у Беларусі і не толькі назіраюць паўночнае ззянне
- Над дамамі і храмамі: здымкамі яркага палярнага ззяння дзеляцца ў сетках
- Не Галівуд: беларускія святары запусцілі круты праект з асновай на рэальных фактах
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску
RSS-стужка каментароў гэтага запiсу