"Суровы будзе суд над тымі, хто пануе". Што чакае каралёў, прэзідэнтаў, дырэктараў, суддзяў, начальнікаў?
- Written by Katolik.life
- Published in Царква
- Add new comment
Біблія распавядае пра тое, які суд чакае людзей, якім была дадзена ўлада.
Не раз у Бібліі Гасподзь кажа пра тое, што чакае пасля зямнога жыцця тых, каму Ён даў уладу распараджацца іншымі і судзіць іншых. Прывядзём ў прыклад чытанне кнігі Мудрасці Саламона, якое каталіцкія вернікі пачулі падчас літургіі 15 лістапада.
Слухайце, каралі, і разумейце, вучыцеся, суддзі межаў зямных.
Схіліце вуха, вы, якія пануеце над мноствам
і ганарыцеся безліччу народаў.
Ад Пана дадзена вам улада,
а панаванне — ад Найвышэйшага,
які выпрабуе вашы справы і даследуе вашы намеры.
Бо вы, будучы слугамі Ягонага Валадарства, не судзілі справядліва
і не захоўвалі закону, і не ішлі за воляй Божай.
Ён грозна і хутка сыдзе на вас,
бо суровы будзе суд над тымі, хто пануе.
Найменшы праз міласэрнасць атрымае прабачэнне,
але моцныя будуць моцна пакараны.
Бо Валадар усяго не глядзіць на асобу, і не зважае на веліч,
таму што Ён стварыў і малога, і вялікага,
і аднолькава клапоціцца пра ўсіх,
але моцных чакае суровае выпрабаванне.
Да вас, уладары, — мае словы,
каб вы навучыліся мудрасці і не ўпалі.
Бо тыя, хто захоўвае ў святасці святое, асвяцяцца,
і навучаныя гэтаму — знойдуць абарону.
Таму жадайце словаў Маіх, прагніце і будзеце навучаныя.
Гэта значыць, тых, хто мае ўладу, Бог будзе судзіць куды больш строга, чым падначаленых. Аднак Гасподзь не палохае, а запрашае маючых уладу быць добрымі кіраўнікамі: асвяціцца ў Бога і знайсці ў Яго мудрасць. Быць хрысціянскім прэзідэнтам, дырэктарам, суддзёй, начальнікам - гэта рэальна!
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Мілыя фота з жывёламі ў Баранавічах выклалі манаскія асобы