У Беларусь за тыдзень да Раства прыбыў Бэтлеемскі агонь
- Written by Katolik.life
- Published in Царква
- Add new comment
Сімвал свята з месца зямнога нараджэння Езуса Хрыста даставілі каталіцкія скаўты.
Агонь з Бэтлеему - месца зямнога нараджэння Езуса Хрыста - прыбыў у Беларусь 19 снежня, за тыдзень да Раства, якое католікі адзначаць 25 снежня. Сімвал Раства сустракалі ў Гродне, куды святло свету перадалі з Польшчы. 20 снежня Бэтлеемскі агонь прыбудзе ў Мінск - у гэты дзень у 18.30 яго ўрачыста сустрэнуць у галоўным касцёле Беларусі, архікатэдры імя Найсвяцейшай Панны Марыі. А затым - і ў іншых храмах сталіцы і яшчэ ў дзесятках гарадах краіны. Пасля чаго вернікі змогуць запаліць свае лампадкі і аднесці сімвал Раства ва ўласныя дамы.
У гомельскі касцёл агонь прыбудзе ў нядзелю, 24 снежня, перадаваць яго мясцовым вернікам будуць пасля святой Імшы на 9.00, 12.00 і 17.00.
Агонь з Бэтлеема па ўсёй Еўропе, у тым ліку і па Беларусі, традыцыйна развозяць каталіцкія скаўты. Святло бэтлеемскага агню, які сімвалізуе спакой, надзею і згоду, дзякуючы адзінству моладзі розных краін пераадольвае значныя адлегласці і прыходзіць да тых, хто яго чакае. Таму варта ўзяць гэты агонь дадому, яшчэ раз нагадаць сабе і сваім блізкім аб надыходзячым Растве. Бэтлеемскі агонь скаўты прывозяць у Беларусь з 1998 года. Святыня пачынае сваё падарожжа з Вены, куды яе дастаўляюць самалётам з Бэтлеему, потым агонь перадаюць у Чэхію, Польшчу і вязуць да беларускай мяжы, дзе ўрачыста ўручаюць мясцовым скаўтам.
- Гэты агонь з Бэтлеема сімвалізуе, што ўсе мы з'яўляемся містычным целам Езуса Хрыста. Гэта полымя вельмі далікатнае, яго можа пагасіць нават лёгкі вецер, і гэта таксама сімвал агню нашай веры. Каб ён гарэў у нашых сэрцах, неабходна пастаянная наяўнасць «алею» - Духа Святога, - тлумачыць святар. - Не варта ставіцца да Бэтлеемскага агню як да містычнай з'явы. Гэтая святыня мае глыбокі духоўны сэнс, для хрысціяніна гэта сімвал гарачага сэрца, гарачай любові і веры, якімі неабходна дзяліцца адзін з адным.
Related items
-
У пілігрымцы ў Рым беларускія католікі не выкарыстоўвалі сімволіку краіны
-
Беларусь «не павінна адчуваць сябе ізаляванай, адкінутай» – Папскі пасланнік
-
Скандзіравалі «Беларусь!» перад Папам, пачулі пра сваю місію, перажылі гістарычную падзею: 500 беларускіх католікаў у Рыме
-
500 вернікаў з Беларусі падарожнічаюць па Еўропе і дзеляцца ўражаннямі
-
Яшчэ адзін касцёл закрыюць у Мінску. Што пра гэта і іншыя балючыя пытанні распавялі біскупы Папе Рымскаму?