«Праслаўляць Бога спевам». Івянец запрашае на «Музычную майстэрню» [відэа]

Супольнасць францішканаў у Івянцы запрашае ўсіх жадаючых на «Музычную майстэрню», якая будзе ладзіцца пры кляштары ўжо ў 16-ы раз.

- Праслаўленне Бога спевам - камандная гульня, якая ўздымае да новых вяршыняў, заахвочвае стаць лепшымі, дае моц пераадольваць выпрабаванні і цяжкасці, імкнуцца да Неба, і ў цішыні Яго прысутнасці імкнуцца адчуць і спазнаць бясконцую любоў Бога, - заклікаюць арганізатары.

Сёлета «Майстэрню» правядуць польскія музыканты Ян Паспяшальскі і Хуберт Кавальскі. Прапануюцца наступныя майстар-класы па касцёльнай музыцы і спеву:

"Толькі аркестр, толькі хардкор!" (смычкова-духавая мафія :)); "Дык зрабіце вы ўжо той доўгаабяццаны харал!"; "Дзе ж ты, дзе, мой барабан?" (перкусія); "Пане Янку, а навучыце дэ-дур!" (гітара для пачаткоўцаў); "О, ты блюз умееш!" (гітара для прасунутых); "Ну і што, што чатыры струны!" (бас-гітара); "Быць ці не быць..." (тэатр); "Пець ня ўмею, зато тэхніку люблю" (гукарэжыссура); "Хуберт, навучы!" (праслаўленне); "Дэгустацыя - мой моцны бок" (дапамога на кухні :))

Пражыванне прадугледжана ў намётавым мястэчку пры кляштары францішканаў, таму з сабой неабходна мець спальнік і турыстычны дыванок, па магчымасці - уласны намёт. Кошт удзелу - 20 руб. (пакет удзельніка + харчаванне). Онлайн-рэгістрацыя па спасылцы >>>