Упершыню дзяўчына з Беларусі паступіла ў ордэн Маці Тэрэзы
- Written by Katolik.life
- Published in Царква
- Add new comment
25 гадоў у краіне служаць сёстры кангрэгацыі з розных краін і кантынентаў
Першая дзяўчына з Беларусі паступіла ў каталіцкую кангрэгацыю «Місіянерак любові» (ордэна святой Маці Тэрэзы). Сёстры гэтага ордэна з розных краін свету ўжо больш за 25 гадоў служаць у рэспубліцы, аднак толькі нядаўна мясцовая дзяўчына ўбачыла пакліканне ў гэтай кангрэгацыі і адказала на яго. Таму ўпершыню ў манаскай сям'і Маці Тэрэзы з'явіцца беларуска, распавялі Katolik.life ў гомельскім Доме міласэрнасці кангрэгацыі «Місіянерак любові».
Зараз дзяўчына праходзіць фармацыю ў кляштары ў Польшчы. Імя будучай законніцы вырашана назваць пасля ўзгаднення з ёй, таксама мы раскажам гісторыю яе шляху да ордэна.
Адзіныя ў Беларусі сёстры Маці Тэрэзы служаць у Гомелі. Законніцы розных нацыянальнасцяў утрымліваюць Дом міласэрнасці, у якім дапамагаюць бедным і бяздомным ўжо 25 гадоў і займаюцца многімі справамі міласэрнасці.
Дом сясцёр служыць прытулкам для некалькіх хворых мужчын і жанчын, якія апынуліся на вуліцы без сродкаў да існавання. Сёстры даглядаюць за імі, лечаць, дапамагаюць кінуць піць, аднавіць дакументы і ўладкавацца на працу. Місіянеркі рыхтуюць абед для бяздомных, раздаюць прадукты і адзенне для бедных сем'яў і адзінокіх старых, дапамагаюць дзецям з малазабяспечаных і праблемных сем'яў. Некалькі дзяўчат з Беларусі, якія шукаюць сваё пакліканне, ужо не раз прыязджалі ў Гомель знаёміцца з ордэнам. Некаторыя сустракаюцца з сёстрамі Маці Тэрэзы на фэсце ў Будславе.
Кангрэгацыя сясцёр «Місіянерак любові» была заснавана Маці Тэрэзай ў 1948 годзе ў Калькуце, Індыя. Мэтай яе заснавання стала дабрачынная дзейнасць сярод абяздоленых жыхароў Калькуты незалежна ад іх веравызнання і нацыянальнасці. Сёстры кангрэгацыі прыносяць чатыры абяцання: паслушэнства, міласэрнасці, беднасці і служэння найбяднейшым з бедных. Паводле статуту, напісанаму Маці Тэрэзай, яны павінны жыць, падобна іх падапечным, у поўнай беднасці.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў