Выпускнікі падзякавалі Богу за школьныя гады

Май 31, 2019
Written by Katolik.life
Published in Царква
Add new comment

Многія запрасілі святара на свае выпускныя балі

У шматлікіх беларускіх гарадах і сёлах выпускнікі школ пасля ўрачыстай лінейкі на заканчэнне навучальнага года адправіліся ў храмы. Такім чынам юныя парафіяне-католікі падзякавалі Пану Богу за сваю вучобу і папрасілі дабраславення на паступленне ў іншыя навучальныя ўстановы і на летні адпачынак.

Напрыклад, у Іўі Гродзенскай вобласці 31 траўня прайшла святая Імша ў інтэнцыі ужо былых 11-класнікаў. Пасля раённага злёту выпускнікоў вучні Іўеўскай школы і гімназіі прыйшлі ў касцёл каб разам падзякаваць за школьныя гады. Імшу ўзначаліў пробашч парафіі, кс. Ян Гавецкі, які падчас імшы заахвоціў моладзь не забываць пра Бога ў дарослым жыцці.

Па заканчэнні службы кс. Ян падарыў кожнаму медалікі з выявай Маці Божай, а выпускнікі запрасілі святара на свае выпускныя балі, паведамляе Іўеўскі дэканат.