Католікі пачалі 9-месячную малітву аб ненароджаных дзецях
- Written by KATOLIK.LIFE
- Published in Царква
- Add new comment
Многія не змаглі прыйсці ў храмы і моляцца дыстанцыйна
У Каталіцкай царкве 25 сакавіка, у дзень Звеставання Пана, вернікі пачалі традыцыйную 9-месячную малітву аб ненароджаных дзецях, якім пагражае аборт. Штогод гэтая малітва доўжыцца да Раства Хрыстова, якое католікі адзначаюць 25 снежня.
У адрозненні ад мінулых гадоў сёлета многія вернікі, асабліва старэйшага ўзросту, не змаглі прыйсці на святочную святую Імшу і прамовіць першую малітву аб ненароджаных дзецях. Нядаўна Пастаянны Савет Канферэнцыі каталіцкіх біскупаў у Беларусі рэкамендаваў дыяцэзіяльным біскупам вызваліць ад абавязку ўдзелу ў нядзельнай і святочнай Імшы вернікаў старэйшага ўзросту, якія асаблівым чынам падатлівыя на заражэнне каранавірусам, людзей з сімптомамі хваробы, дзяцей і школьную моладзь, а таксама тых, хто іх апякуе, і тых, хто адчувае страх заражэння. Далучыцца да малітвы Царквы рэкамендавалася праз радыё- і відэа-трансляцыі.
Звеставанне Пана святкуецца ва ўспамін пра той дзень, калі Найсвяцейшая Панна Марыя даведалася аб тым, што народзіць Збавіцеля, і дала згоду на гэта.
Жадаючыя духоўнага ўсынаўлення дзіцяці ўносяць свае дадзеныя ў спецыяльныя карткі і звяртаюцца да Панны Марыі, усіх анёлаў і святых. Каб змагацца за жыццё зачатага дзіцяці ў рамках «Духоўнага ўсынаўлення», вернікі абавязаліся штодня чытаць спецыяльную малітву, прысвячаць змаганню якую-небудзь добрую справу і маліцца на Ружанцы. Удзел у духоўным усынаўленні асабліва важны для сужэнцаў, якія не вырашаюцца на чарговага дзіцяці. Праз гэтую малітву Святы Дух дапамагае бацькам даверыцца Госпаду ў справе новага жыцця.
Media
Related items
-
«Ён не прасіў аб адстаўцы». Парафіяне – аб звальненні пробашча Чырвонага касцёла
-
Не толькі аўто. У касцёлах масава асвячаюць транспартныя сродкі
-
Васільковы шлюб па-каталіцку: фота стылёвага вянчання паказалі ў Будславе
-
Шлях да Радзімы з Богам – беларусы замежжа праводзяць «дарослую» пілігрымку
-
Фота дня: рака людзей у Гудагаі + топ-5 лепшых здымкаў фэсту