«Паглыбіць перажыванне прысутнасці Бога ў жыцці». Ва Ўселюбе пройдзе фестываль Novafest
- Written by KATOLIK.LIFE
- Published in Царква
- Add new comment
Пачалася рэгістрацыя - запрашаюць католікаў з усёй Беларусі
На 21 жніўня 2021 г. у парафіі святога Казіміра ва Уселюбе (Гродзенская вобласць), дзе знаходзіцца самы старажытны касцёл Беларусі, запланаваны фестываль-рэкалекцыі Novafest для вернікаў каталіцкіх парафій.
Мэта фестывалю - паглыбіць духоўнае перажыванне прысутнасці Бога ў жыцці вернікаў праз набажэнствы і духоўныя практыкаванні, паведамілі Katolik.life арганізатары:
- Апошні год асаблівым чынам паказаў нам важнасць асабістых адносін з Богам. Адносіны - гэта дзеянні, учынкі, намаганні, час, які мы хочам і гатовы прысвяціць. Наша жыццё патрабуе абнаўлення, патрабуе прысутнасці Жывога Бога, патрабуе еднасцi ў Хрысце. Гэта і ёсць галоўная мэта хрысціянскага фестывалю Novafest - паглыбіць духоўнае перажыванне прысутнасці Бога ў жыцці.
Кожны ўдзельнік атрымае магчымасць сустрэцца з Жывым Богам праз пакаянне і навяртанне, праз сведчанні іншых людзей, а таксама праз праслаўленне Бога спевам і малітвамі, даручаючы сябе Духу Святому. Аднадзённы фестываль мае насычаную праграму. Удзельнікаў чакае Святая Імша, малiтва, Крыжовы шлях, Вяночак да Божай Міласэрнасці, Адарацыя Крыжа, а таксама канферэнцыя-рэкалекцыі, сведчанні людзей аб Божай прысутнасці ў іх жыцці, праслаўленне праз музыку і спевы.
Акрамя таго, на фестывалі будзе магчымасць наведаць фотавыставу на духоўную тэматыку, пазнаёміцца з дзейнасцю каталіцкіх рухаў і СМІ. На тэрыторыі касцёла будзе працаваць крама-музей-галерэя, дзе можна набыць рэлігійныя рэчы, сувеніры. Фестываль працягнецца з 10.00 да 22.00.
Для ўдзелу ў фестывалі трэба зарэгістравацца па тэлефонах:
+375 33 320 11 48, Наталля (viber, telegram)
+375 44 759 08 67, Ірына (viber)
+375 29 124 93 21, Вольга (viber, telegram) ці па спасылцы.
Усе падрабязнасці на сайце www.natusest.com/fest.html
Для ўдзелу ў фестывалі прадстаўнікоў каталіцкіх рухаў і СМІ трэба зарэгістравацца па тэлефонах:
+375 33 612 77 91, Дар'я (viber)
+375 29 561 11 37, Алена (viber)
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні