Рыхтаваліся тыдзень. Паглядзіце, якія дываны з жывых кветак зрабілі ў Іўі
- Written by KATOLIK.LIFE
- Published in Царква
- Add new comment
Так ўпрыгожылі алтары для працэсіі Божага Цела, якая прайшла ў цэнтры горада
Асаблівую працэсію Божага Цела правялі 6 чэрвеня ў парафіі Святых апосталаў Пятра і Паўла ў Іўі. Чатыры алтары ў цэнтры горада, да якіх падыходзілі вернікі, упрыгожылі вялікімі дыванамі з кветак.
- Да стварэння алтароў - вельмі сур'ёзны падыход. Спачатку вызначаюцца духоўныя асобы, малітоўныя суполкі і жыхары Іўя, якія на працягу тыдня збіраюцца, каб прыдумаць дызайн алтара, рыхтуюць матэрыялы і кветкі. Раніцай перад працэсіяй іўеўчане ўсталёўваюць алтары і выкладаюць дываны, - распавялі на старонцы Іўеўскага дэканату.
На дыванах адлюстраваныя эўхарыстычныя сімвалы і матывы. Стваральнікі дэкарацый такім чынам выражаюць сваю пашану да Найсвяцейшага Сакрамэнту. Самым вялікім атрымаўся дыван каля помніка ў гонар адзінства і сяброўства канфесій Іўешчыны, на ім былі словы "Езу, давяраю Табе!". У яго стварэнні прынялі ўдзел бацькі дзяцей, якія тыдзень таму ўпершыню прыступілі да Першай Камуніі. Падчас працэсіі хлопчыкі і дзяўчаты нават сталі часткай алтара, упрыгожыўшы яго.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі