Фота месяца: Панна Марыя глядзіць на закрыты Чырвоны касцёл
- Written by KATOLIK.LIFE
- Published in Царква
- Add new comment
Выпадковы кадр сімвалізуе галоўны боль беларускіх католікаў і нясе надзею.
Здымак абраза Божай Маці за шклом аўтамабіля, на якім адлюстроўваецца будынак Чырвонага касцёла ў Мінску, мае некалькі сэнсаў і нясе надзею. Месяц май у Каталіцкай царкве прысвечаны асабліваму шанаванню Панны Марыі. Яна разам з Дзіцяткам Езусам глядзіць на Чырвоны касцёл, закрыты ўжо больш за 7 месяцаў, – галоўны боль беларускіх католікаў, для якіх гэты храм з'яўляецца адным з самых значных.
Фота быццам гаворыць пра тое, што Найсвяцейшая Багародзіца захоўвае сваю апеку над касцёлам. Светлы погляд Панны Марыі ўсяляе надзею.
Гэты выпадковы кадр, апублікаваны на старонцы ордэна паўлінаў, быў зроблены перад пачаткам «пілігрымкі» копій беларускіх абразоў у санктуарый у польскім Чэнстахове. Першым перад шклом сярод складзеных ікон апынуўся вобраз «Божай Маці Гомельскай».
Наш канал в Telegram – только важное. Подписаться >
Нагадаем, парафія святога Сымона і святой Алены ў Мінску запрасіла ўсіх неабыякавых у маі маліцца Пампейскай навэннай да Панны Марыі аб хутчэйшым вяртанні Чырвонага касцёла вернікам.
Related items
-
У «Гомельскіх Курапатах» адбылося набажэнства, а ў Мінску, падобна, – зноў не
-
Топ-7 фота: як у Беларусі адзначылі «Дзяды»
-
На будоўлі ў Мінску знайшлі чалавечыя парэшткі – тут былі каталіцкія могілкі
-
Пра штучныя кветкі на могілках і немагчымасць наведаць магілы родных далі парады святары
-
У пілігрымцы ў Рым беларускія католікі не выкарыстоўвалі сімволіку краіны