Вучняў, педагогаў і школьныя прыналежнасці благаслаўляюць у касцёлах
- Written by KATOLIK.LIFE
- Published in Царква
- Add new comment
Атрымаць спецыяльнае благаслаўленне на новы навучальны год і даведацца пра галоўны ў хрысціянстве «шлях да поспеху» можна ў бліжэйшую нядзелю.
У каталіцкіх храмах Беларусі падчас святых Імшаў святары ўдзяляюць асаблівае благаслаўленне вучням, педагогам, а таксама благаслаўляюць навучальныя прыналежнасці. Традыцыйна гэта адбываецца к 1 верасня — у пачатку новага навучальнага і катэхетычнага года (катэхеза — навучанне асновам хрысціянскай веры, напрыклад, у Нядзельных школах).
У большасці парафій спецыяльнае благаславенне на вучобу запланавана на святых Імшах у нядзелю, 3 верасня. А ў некаторых касцёлах такую малітву ўжо здзейснілі ў папярэднюю нядзелю. Напрыклад, святар Павел Халяўкін – дэкан Брэсцкі і пробашч парафіі ў Чарнаўчыцах, апублікаваў фота на сваёй старонцы ў сацсетцы і паведаміў:
«Молімся за школьнікаў, настаўнікаў, выкладчыкаў, студэнтаў аб Божым благаслаўленні ў вучобе. Блаславілі дзённікі, кнігі, залікоўкі. Молімся за ўсіх удзельнікаў адукацыйнага працэсу».
Перад алтаром дзеці і дарослыя дзякуюць Богу за праведзеныя канікулы, просяць дароў Духа Святога, імкнення да ведаў, каб Гасподзь накіраваў на шлях да святасці, адарыў розум сваім святлом, запаліў сэрцы прагай спазнаць праўду, дабро і прыгажосць створанага Богам свету.
Наш канал в Telegram – только интересное и важное. Подписаться >
Найважнейшае – рабіць усё з любоўю, нагадваюць святары асноўнае правіла хрысціянства, галоўны «шлях да поспеху», а таксама прыводзяць два кароткіх «урока ад Езуса» >
Related items
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная