Папа аб цэлібаце: дзверы заўсёды адчыненыя
- Written by katolik-gomel.by
- Published in Царква
- Add new comment
Францішак нагадаў пра тое, што ў Каталіцкім Касцёле ёсць жанатыя святары - ва ўсходніх абрадах.
Размова Пантыфіка з журналістамі была вельмі шчырай і адкрытай. Прагучалі розныя, часам вельмі вострыя, пытанні. Супрацоўнікі СМІ запыталіся пра будучыню цэлібата ў Рыма-каталіцкім Касцёле.
“Цэлібат – гэта не дагмат веры, але правіла жыцця”, - сказаў Францішак.
Папа дадаў, што ён асабіста вельмі цэніць цэлібат і лічыць, што ён з’яўляецца “дарам для Касцёла”. Аднак, паколькі ён не з’яўляецца дагматам веры, “дзверы заўсёды адчыненыя”.
Францішак нагадаў аб тым, што ў Каталіцкім Касцёле ёсць жанатыя святары – ва ўсходніх абрадах.