Апублікавана відэа прэзентацыі альбому на вершы святой Тэрэзы – унікальнага праекта беларусаў

У беларускай грэка-каталіцкай парафіі ў бельгійскім Антверпене адбыўся першы канцэрт з прэзентацыяй альбому песень на вершы святой Тэрэзы ад Дзіцяткі Езуса – 1 кастрычніка католікі адзначылі ўспамін гэтай святой з Ліз'ё. Цяпер апублікава відэа канцэрта ў добрай якасці (глядзіце ніжэй).

Мы распавядалі пра гэты ўнікальны праект беларускіх вернікаў замежжа: стварэнне музычнага альбома «Ружа без пялёсткаў» на вершы святой Тэрэзы з Лізьё ў перакладзе на беларускую мову. Альбом уключае 11 кампазіцый на вершы святой Тэрэзы ад Дзіцяткі Езуса, якія пераклаў Павел Хівук – інжынер з Беларусі, які цяпер жыве ў Францыі, парафіянін беларускай грэка-каталіцкай царквы ў Антверпене.

Паўлу належыць ідэя праекту, ён таксама стаў яго фундатарам, забяспечваў запіс матэрыялу. Выканаўцам, аўтарам музыкі некаторых кампазіцый і аранжыровак ужо існуючых мелодый французскіх аўтараў стаў вядомы музыка, каталіцкі вернік Андрусь Такінданг – ён запісаў альбом разам са спявачкай і музыкай Хрысцінай і патлумачыў, чаму альбом актуальны для беларусаў.

Таксама ў межах праекту выдадзена кніга вершаў святой Тэрэзы ад Дзіцяткі Езуса ў перакладзе на беларускую мову.

Відэа канцэрта разбіта на асобныя кампазіцыі. Паглядзець усе можна пры пераходзе па спасылцы ніжэй на YouTube.

Наш канал в Telegram – только интересное и важное. Подписаться >