У 140 парафій Беларусі даставяць Бэтлеемскі агонь, хоць узяць яго ў Палесціне не атрымалася

Каталіцкія скаўты Беларусі наведаюць больш за 140 рыма-каталіцкіх і грэка-каталіцкіх парафій, каб даставіць Бэтлеемскі агонь міру. У бліжэйшыя суботу і нядзелю, 21-22 снежня, ад гэтага сімвала Божага Нараджэння можна будзе запаліць лампады ў храмах, каб занесці ў свае дамы.

Сёлета ўзброены канфлікт на Блізкім Усходзе перашкодзіў даставіць агонь непасрэдна з Бэтлеему. У месцы зямнога нараджэння Езуса Хрыста другі год запар не будуць паўнавартасна адзначаць Раство.

Таму ўпершыню за ўсю гісторыю акцыі будзе распаўсюджвацца Бэтлеемскі агонь, які з мінулага года захоўвалі аўстрыйскія скаўты, гаворыцца на старонцы парафіі ў Варнянах. У Беларусь традыцыйна перадаюць Бэтлеемскі агонь польскія скаўты (харцэры).

А 15 снежня сімвал Раства ўжо прыбыў ва Украіну – у грэка-каталіцкай царкве Ужгарада адбылася цырымонія перадачы агню міра ўкраінскім пластунам ад скаўтаў Славакіі.

Наш канал в Telegram – только интересное и важное. Подписаться >