Знойдзены самы папулярны ў сацсетках беларускі святар. Што ён посціць?

Люты 13, 2025
Written by KATOLIK.LIFE
Published in Царква
Add new comment

Ксёндз выкладае лірычныя відэа з вершамі па-беларуску і краявідамі родных мясцін.

Прагледзеўшы старонкі каталіцкіх святароў Беларусі у сацсетках, высветлілі, што найбольш праглядаў і рэакцый мае вікарый парафіі ў Мёрах ксёндз Алег Зямчонак. Ягоныя відэа ў VK, Facebook і Instagram стабільна набіраюць звыш тысячы праглядаў.

Сакрэт папулярнасці допісаў святара ў тым, што ён выкладае лірычныя відэа, на якіх чытае свае вершы на беларускай мове і дадае кадры з глыбінкі – сваіх родных мясцін.

«Парыж, дарагі мой Парыж! Ты жыцця паказаў мне дарогу. Гэта месца, дзе ўзяў я свой крыж і пайшоў служыць людзям і Богу», – піша святар пра вёску ў Пастаўскім раёне, дзе ён нарадзіўся (відэа глядзіце ніжэй).

Відэа ксяндза Алега найбольш кранаюць жанчын – яны, у асноўным, каментуюць ягоныя допісы.

Тым часам у YouTube выходзіць у лідары ксёндз Уладзіслаў Завальнюк – відэа на ягоным канале сталі набіраць да 10 тысяч праглядаў.