Былы гомельскі пробашч будзе служыць для беларусаў у Любліне

Пробашч парафіі Маці Божай Каралевы Польшчы ў Любліне ксёндз Славамір Ласкоўскі запрошаны стаць душпастырам супольнасці беларускіх католікаў у гэтым польскім горадзе. Святар добра вядомы ў Беларусі, дзе амаль 30 гадоў служыў пробашчам у Гомелі – да 2017 года.

Цікава, што ў Любліне цяпер жывуць некалькі сем'яў, якія пераехалі сюды з Гомеля – былыя парафіяне ксяндза Славаміра.

У супольнасці беларускіх католікаў у Любліне доўгі час няма душпастыра. Чакаецца, што ксёндз Славамір пры дапамозе іншых святароў будзе стала служыць для беларусаў, нягледзячы на вялікую занятасць – ён з'яўляецца пробашчам вялікай парафіі і рэферэнтам Нэакатэхуменату ў Люблінскай архідыяцэзіі.

Цяпер святая Імша на беларускай мове зноў будзе адбывацца ў Любліне. Першая прызначана на 1 чэрвеня. Яе адправіць ксёндз Славамір а 12:30 у капліцы ў доме фундацыі Яна Паўла ІІ па адрасе ul. Boczna Lubomelskiej 2. Затым адбудзецца арганізацыйнае спатканне і знаёмства са святаром.

Нагадаем, душпастырствы беларускіх вернікаў ёсць не толькі ў Варшаве, але і ў многіх іншых гарадах Польшчы. Поўны спіс тут >

Наш канал в Telegram – только интересное и важное. Подписаться >