Без кантактаў з прэсай і афіцыйных сустрэч правялі першыя дні ў Ватыкане вызваленыя беларускія святары

Пасля першых чатырох дзён знаходжання ў Ватыкане вызваленых са зняволення беларускіх каталіцкіх святароў дагэтуль не з'явілася ніякіх афіцыйных паведамленняў аб гэтым. Як мы распавядалі, адразу пасля таго, як ксёндз Генрых Акалатовіч і айцец Анджэй Юхневіч выйшлі на волю з калоніі ў Бабруйску, іх прывезлі ў Апостальскую нунцыятуру ў Мінску, а затым адправілі ў Ватыкан.

Святары застаюцца без кантактаў з прэсай, з іх удзелам пакуль не было афіцыйных сустрэч, яны нават не выходзілі на сувязь з блізкімі ім людзьмі. Наколькі вядома вернікам, ксёндз Акалатовіч і айцец Юхневіч працягваюць заставацца ў Ватыкане – мяркуецца, што яны праходзяць медыцынскае абследванне.

Чакаецца, што афіцыйныя сустрэчы могуць адбыцца ў бліжэйшыя дні. Такая сустрэча з Папам Рымскім магчымая толькі да 27 лістапада, бо ў гэты дзень Пантыфік адправіцца ў апостальскае падарожжа ў Турцыю і Ліван.

Таксама вернікам вядома, што суправаджае святароў Мітрапаліт Мінска-Магілёўскі арцыбіскуп Юзаф Станеўскі.

Наш канал в Telegram – только интересное и важное. Подписаться >