Топ-7 фота і відэа: католікі Беларусі святкуюць Божае Нараджэнне

Раство Хрыстова адзначаюць католікі 25 снежня. У цемры ночы Бог уваходзіць у гісторыю чалавецтва, каб асвятліць яе святлом веры, любові і надзеі, падкрэсліў Папа Рымскі Леў XIV падчас Імшы «Пастэркі» ў Ватыкане.

У касцёлах Беларусі адбыліся святыя Імшы 25 снежня і ў святую ноч. Вернікі спявалі калядкі, святары дзяліліся з парафіянамі аплаткамі.

Адметным стала свята ў касцёле ў Сапоцкіне, дзе нядаўна згарэў дах. Тут парафіяне здолелі прывесці святыню ў парадак і арганізаваць Імшу, нягледзячы на рамонтныя працы. Пробашч Антоній Абухоўскі пажадаў, каб нованароджаны Езус Хрыстус не толькі ляжаў у яслях, але і знаходзіўся ў нашых сэрцах, каб мы маглі штодня жыць Яго любоўю: «Няхай мір і гармонія пануюць у сем’ях, а таксама ў грамадстве і ва ўсім свеце. Няхай Бог будзе з намі, няхай Ён прывядзе нас на нябёсы».

Іншыя фота і відэа ўзятыя са старонак парафій у Нарачы, Фаніпалі, Бабруйску, Лідзе, Слоніме, мінскай парафіі ў Сухарава.