Войска, пасвячэнне, усмешка. Топ-7 фота Казіміра Велікасельца да 30 дзён яго смерці

Сакавік 9, 2026
Written by KATOLIK.LIFE
Published in Царква
Add new comment

На адным са здымкаў, верагодна, адлюстраваны кранальны момант прыняцця біскупскага пасвячэння ў прысутнасці маці.

Да 30-га дня смерці біскупа Казіміра Велікасельца публікуем падборку архіўных здымкаў, якія мы ўзялі з відэа Пінскай дыяцэзіі і публікацыі гомельскага касцёла.

На фота – малады святар, а затым і малады біскуп. На адным са здымкаў, верагодна, адлюстраваны кранальны момант прыняцця біскупскага пасвячэння ў прысутнасці маці.

Таксама на здымках – Казімір Велікаселец у войску і ў дамініканскім хабіце, першая святая Імша, адпраўленая святаром, сустрэча са святым Янам Паўлам II, рэдкі момант, калі біскуп гуляе з дзецьмі – вернікі прывыклі бачыць яго у строгім вобразе, але ў душы біскуп Казімір захоўваў дзіцячую жывасць і непасрэднасць, якія неабходныя, каб адчуваць сябе дзіцём Божым.

Нагадаем, у маладосці ксёндз абслугоўваў пяць парафій у Брэсцкай, Гродзенскай і Мінскай абласцях. Чытайце больш падрабязна пра яго жыццё і глядзіце відэа, дзе ён сам распавядае пра сябе.