Перад міжрэлігійным «Матчам міру» Марадона падарыў Папе футболку
- Written by katolik-gomel.by
- Published in Царква
- Add new comment
У матчы ўдзельнічалі былыя і цяперашнія гульцы, якія прадстаўляюць розныя культуры і рэлігіі.
1 верасня на Алімпійскім стадыёне ў Рыме прайшоў міжрэлігійны футбольны «Матч за мір», які адбыўся па ініцыятыве Папы Францішка і сусветных зорак футбола. Яго галоўнай асаблівасцю стала тое, што каманды - у склад якіх увайшлі нямала чэмпіёнаў - былі не супернікамі, а саўдзельнікамі ў імя міру. У матчы ўдзельнічалі былыя і цяперашнія гульцы, якія прадстаўляюць розныя культуры і рэлігіі: будыйскую, хрысціянскую (каталіцкую і пратэстанцкую), габрэйскую, хіндзі, мусульманскую і сінтаісцкую.
Напярэдадні матчу легенда сусветнага футбола Дыега Марадона ўручыў Папе Францішку футболку зборнай Аргенціны з 10-м нумарам і імем «Францыска». Акрамя Марадоны ў гульні ўдзельнічалі Самюэль Это'о, Зінедзін Зыдан, Франчэска Тоці, Раберта Баджо, Алесандра Дэль П'ера, Джанлуіджы Буфон, Андрэй Шаўчэнка ды іншыя зоркі футбола.
Знакамітыя футбалісты праз гэтую падзею хочуць сказаць «не» войнам і канфліктам, якія сёння існуюць у свеце, адзначыў Папа Францішак:
- Спартыўнае падзея гэтага вечара з'яўляецца вельмі сімвалічным жэстам, якая паказвае, што магчыма будаваць культуру сустрэчы і мір ва ўсім свеце, у якім вернікі розных рэлігій, захоўваючы сваю ідэнтычнасць, могуць жыць разам у гармоніі і ўзаемнай павазе.
Пантыфік пажадаў, каб спорт спрыяў мірнаму і плённаму суіснаванню паміж усімі народамі, выключаючы любую дыскрымінацыю паводле расы, мовы і рэлігіі:
- Рэлігіі закліканы быць інструментам міру, ніколі нянавісці, таму што ў імя Бога заўсёды трэба спрыяць любові, - цытуе Ватыканскае радыё.
Related items
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- У Ізраілі католікі з Беларусі спакойна перажылі атаку Ірана, але «вайна дастала»
- Папа Рымскі прыняў у Ватыкане шамана – той папрасіў аб дапамозе