Тэлеканал «Мір» зняў сюжэт пра гомельскіх скаўтаў [відэа]

Люты 6, 2013
Written by gomel.catholic.by
Published in Навіны - Гомель
Add new comment

Бацькі-каталікі разам са сваімі сынамі распавялі тэлевізійнікам, чаму яны ўступілі ў скаўтынг.

У выпуску навінаў міждзяржаўнай тэлекампаніі «Мір» выйшаў у эфір сюжэт аб уступленні ў скаўты бацькоў-каталікоў.

- Гэта было прыемным сюрпрызам. Відаць, самі бацькі ўбачылі ў скаўтынгу вялікую дапамогу для выхавання сваіх дзяцей і саміх сябе. Нашым мужчынам, я ўпэўнены, гэта будзе дапамога ў іх сямейным жыцці, - сказаў карэспандэнту ТК «Мір» гомельскі пробашч Славамір Ласкоўскі.

Самі скаўты кажуць, што сумесныя заняткі збліжаюць іх з сынамі, дазваляюць больш праводзіць час разам і вучыцца таму, як паводзіць сябе ў цяжкіх сітуацыях, гаворыцца ў сюжэце.

Скаўты плануюць, што хутка будуць прымаць у свае шэрагі не толькі мужчынскую палову парафіі, але і дзяўчынак з іх маці. Тады ў Беларусі з'явяцца сямейныя скаўцкія атрады.

Скаўцкі рух - сусветны юнацкі рух, які займаецца фізічным, духоўным і разумовым развіццём моладзі. Упершыню рух скаўтаў быў заснаваны ў 1907 годзе ў Вялікабрытаніі.