На семінары ў Гомелі навучаць нараджаць лёгка і без болю

21 верасня ў Гомелі пачынаецца серыя практычных семінараў для сужэнцаў «Роды без болю». Заняткі ладзяць інструктары школы родаў Марыян і Вольга Голуб, шматдзетныя сужэнцы, вернікі каталіцкай царквы. Праходзіць семінары будуць у памяшканні Дома міласэрнасці ордэна Маці Тэрэзы.

- На семінары удзельнікаў чакае мінімум тэорыі і максімум практыкі. Мы будзем размаўляць пра пяць натуральных спосабаў абязбольвання ў родах. Самае галоўнае тое, што атрыманыя веды можна тут жа прымяніць на практыцы. Удзельнікі семінара, мамы і таты, атрымаюць зарад пазітыву і добрага настрою, якіх так не хапае ў нашым асяроддзі, - кажуць арганізатары, абяцаючы не толькі каштоўныя веды, але таксама ўтульную атмасферу, сяброўскія зносіны і розыгрыш маленькіх сюрпрызаў. - Дарагія мамы, калі Вы зараз чакаеце нараджэння дзіцяці, але баіцеся родаў, турбуецеся, што будзе вельмі балюча і цяжка, тады гэты практычны семінар менавіта для вас! Запрашайце сваіх знаёмых і блізкіх!

Удзел у семінары бясплатны, але ўсім жадаючым неабходна папярэдне запісацца па тэлефоне: Velcom ( 44) 722 91 63, МТС (29 ) 735 38 68.