Беларускую «Батлейку» паказала ў гомельскім касцёле абшчына праваслаўнага брацтва - ФОТА, ВІДЭА

Студзень 11, 2015
Written by katolik-gomel.by
Published in Навіны - Гомель
Add new comment

Пасля спектакля ўсе разам праспявалі калядкі па-беларуску, а гасцей па-традыцыі каталікі пачаставалі прысмакамі.

Вернікі з гомельскай Сафійскай абшчыны Прэабражэнскага праваслаўнага брацтва разам са сваімі дзецьмі наведалі ў нядзелю рыма-каталіцкую царкву ў Гомелі, дзе пасля святой Імшы паказалі прадстаўленне ў жанры беларускага народнага тэатра - «Батлейкі». Спектакль і калядныя песні, якія праспявалі праваслаўныя браты, былі на беларускай мове.

У адказ і падзяку каталікі таксама праспявалі гасцям калядкі і па-традыцыі пачаставалі прысмакамі. А таксама паабяцалі ў наступным годзе прыйсці са спектаклем да праваслаўных.