Гомельская і Брэсцкая вобласці маюць патрэбу яшчэ мінімум у 15 касцёлах
- Written by katolik-gomel.by
- Published in Навіны - Гомель
- Add new comment
Вясковыя вернікі ўсё часцей селяцца ў новых мікрараёнах гарадоў, дзе патрэбна будаваць святыні.
Агульнаеўрапейскія тэндэнцыі ўнутранай міграцыі насельніцтва актуальныя і ў Беларусі: вёскі выміраюць, іх жыхары ўсё часцей пераязджаюць у гарады. Гэта стала новым выклікам і для Касцёла. Аб патрэбах дыяцэзіі ў новых святынях Беларускай рэдакцыі Ватыканскага радыё распавёў Біскуп Пінскі Антоні Дзям’янка.
- Мы жывём у тыя часы, калі існуе вельмі моцная міграцыя з вёсак у гарады, і не толькі раённыя, але найбольш у буйныя. У Пінскай дыяцэзіі вельмі імкліва развіваюцца такія гарады як: Брэст, Гомель, Мазыр, Пінск, Баранавічы, Светлагорск, Кобрын. Вясковыя парафіі паволі колькасна змяншаюцца. Маладыя людзі, а таксама вернікі сярэдняга ўзросту перабіраюцца жыць у новыя мікрараёны вялікіх гарадоў. І прысутнасць католікаў у гэтых мікрараёнах, як і прадстаўнікоў іншых канфесій, павінна быць. Пераязджаюць сем’і, нараджаюцца дзеці, і ім таксама трэба забяспечыць духоўны падмурак. Таму лічу, што на сённяшні час у новых мікрараёнах толькі названых гарадоў трэбна пабудаваць мінімум яшчэ 15 святыняў. Мы не хочам будаваць вялікіх касцёлаў, напрыклад, як Пінская катэдра, патрэбныя храмы меншых памераў. І бачым, што там, дзе ўжо збудаваныя такія касцёлы – напрыклад, у Брэсце касцёл св. Юзафа, у Баранавічах касцёл Маці Божай Фацімскай – яны адразу запаўняюцца вернікамі, - тлумачыць біскуп.
Нядаўна ён меў сустрэчу з мясцовымі ўладамі ў Гомелі па пытанні будаўніцтва святыні. Ёсць надзея, што гэтае спатканне зрушыць пытанні з мёртвай кропкі і зямля пад новы касцёл будзе выдзелена ў хуткім часе.
Нагадаем, у Жлобіне цяпер завяршаецца будаўніцтва новага касцёла.
Related items
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная