Гомельскія каталікі будуць маліцца аб спасланні дажджу

Жнівень 12, 2013
Written by katolik-gomel.by
Published in Навіны - Гомель
Comments (1)

Ужо два тыдні Паўднёвы Усход Беларусі перажывае вялікую засуху, тэмпература перавышала 30 градусаў.

У час знаходжання ў гомельскім касцёле рэліквій Святой Тэрэзы ад Дзіцяткі Езуса мясцовыя каталікі плануюць маліцца аб спасланні дажджу на Гомельскую вобласць і прасіць заступніцтва ў Святой Тэрэзы.

Ужо каля двух тыдняў Паўднёвы Усход Беларусі перажывае вялікую засуху, доўгі час тэмпература паветра днём перавышала 30 градусаў. Больш за ўсіх ад засухі пакутуюць вяскоўцы: на гародах гінуць расліны, высыхаюць травы, для ўтрымання жывёл неабходны вялікі расход вады. І ў бліжэйшы тыдзень сіноптыкі не прагназуюць дажджоў на Гомельшчыне, паведамляе katolik-gomel.by.

- Засуха - гэта факт, які дапускае Гасподзь. Такія катаклізмы паказваюць, што мы вельмі слабыя, не трымаем свой лёс ва ўласных руках, не можам нічога змяніць - гэта вучыць чалавека пакоры перад Творцам. Многія людзі жывуць так, як быццам Бога няма, можа быць, для іх гэтая засуха стане часам разумення свайго лёсу, свайго жыцця і таго, што трэба трымацца Госпада і Ягоных запаведзяў, - кажа святар.

Last modified onПанядзелак, 12 Жнівень 2013 20:09

Tagged under