Валанцёры правялі «талаку» на старадаўніх каталіцкіх могілках [фота]
- Written by katolik-gomel.by
- Published in Навіны - Гомель
- Comments (1)
Вядомая бард Вальжына Цярэшчанка таксама прыязджала на акцыю і выконвала для яе ўдзельнікаў аўтарскія песні.
Актывісты гомельскіх грамадскіх аб'яднанняў «Талака» і «Таварыства беларускай мовы імя Францішка Скарыны», а таксама кааліцыі «Наша альтэрнатыва» правялі ўборку на родавых пахаваннях прадстаўнікоў шляхты Перасвет-Солтанаў. Закінуты склеп з разбуранымі магіламі і перавернутымі надмагільнымі плітамі знаходзіцца ў вёсцы Люшаў Буда-Кашалёўскага раёна, якая належала старадаўняму шляхетнаму каталіцкаму роду. У пачатку 17 стагоддзя тут быў пабудаваны касцёл.
Гомельская парафіянка, вядомы бард Вальжына Цярэшчанка таксама прыязджала на «талаку» і выконвала для яе ўдзельнікаў аўтарскія песні. Дарэчы, на могілках была знойдзена надмагільная пліта Міхала Перасвет-Солтана, які жыў у ХІХ стагоддзі. Яго дачка, Антаніна Стэфанія, прысвяціла сваё жыццё Богу і была генеральным настаяцелем Кангрэгацыі сясцёр Уваскрасення Госпада нашага Ісуса Хрыста.
Актывісты навялі парадак на магілах, спілавалі некаторыя дрэвы, пачысцілі надмагільныя пліты, перапісалі зьвесткі з помнікаў. Аднак для таго каб навесці належны парадак, намаганняў валанцёраў недастаткова - неабходна тэхніка і дапамога большай колькасці людзей.
Фота Вальжыны Цярэшчанкі і Кастуся Жукоўскага.
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Не фэйкі і не хакеры: «Радыё Марыя» працягвае збор і тлумачыць непаразуменні
- Без цуду, але з падтрымкай: як «Радыё Марыя» выходзіць з цяжкай сітуацыі
- Папа Рымскі прыняў у Ватыкане шамана – той папрасіў аб дапамозе
RSS-стужка каментароў гэтага запiсу