У Гомелі адкрыўся першы комплексны адукацыйны сямейны цэнтр [фота]

З кастрычніка ў Гомелі пачаў працу адукацыйны цэнтр «Мая сям'я». Ініцыятарамі яго стварэння і кіраўнікамі цэнтра сталі Марыян і Вольга Голуб, бацькі траіх дзяцей і вернікі рыма-каталіцкай царквы Нараджэння Божай Маці. Цэнтр адкрыты ў Доме міласэрнасці ордэна Маці Тэрэзы пры падтрымцы пробашча парафіі айца Славамір Ласкоўскага і Упраўлення па працы, занятасці і сацыяльнай абароне Гомельскага гарвыканкама.

Мэтай дадзенага цэнтра з'яўляецца, у першую чаргу, комплексная падрыхтоўка шлюбных пар да нараджэння дзіцяці, сямейнага жыцця і выхавання дзяцей, таксама гэта прапаганда сямейных каштоўнасцяў, заснаваных на хрысціянскіх маральных прынцыпах. На дадзены момант адкрыты курсы па падрыхтоўцы да натуральных родаў для цяжарных маці і шлюбных пар, а таксама курсы па падрыхтоўцы да груднога гадавання і догляду за нованароджаным. У бліжэйшы час плануецца адкрыццё клуба мам з дзецьмі ад 0 да 1 года, а таксама курса па шлюбных адносінах і выхаванню дзяцей.

Вядучыя курсаў: Марыян Голуб, інструктар школы родаў, псіхолаг; Вольга Голуб, інструктар школы родаў, кансультант па грудным гадаванні; Вольга Несцерава, урач акушэр-гінеколаг. Кантактныя тэлефоны: Velcom (44) 722 91 67, МТС (29) 735 38 68. Адрас: вул. Савецкая 146а.