Мужчынская група «Жывога Ружанца» ствараецца ў гомельскім касцёле

У гомельскай рыма-каталіцкай парафіі Нараджэння Божай Маці ствараецца група «Жывога Ружанца» сярод мужчын. У касцёле ўжо шмат гадоў дзейнічаюць чатыры жаночыя групы «Жывога Ружанца», а цяпер, па ініцыятыве пробашча, вырашана стварыць мужчынскую групу. Жадаючых просяць патэлефанаваць на нумар: +375 29 2340534 (Павел).

«Жывы Ружанец» - спосаб арганізацыі Ружанцовай малітвы, прыдуманы ў 1826 г. Паўлінай Марыяй Жарыко. У 1827 годзе ён атрымаў дабраславенне Папы Льва ХІІ, а пазней Папа Рыгор XVI асаблівым распараджэннем зацвердзіў дзейнасць «Жывога Ружанца». Кожная група (ружа) «Жывога Ружанца» павінна складацца з 20 чалавек. Кожны член групы абавязваецца раз на дзень маліцца дзясятак Ружанца (разважаючы над пэўнай Таямніцай) у калегіяльна абранай інтэнцыі, а таксама ў інтэнцыях Папы Рымскага на гэты месяц. Кожны месяц, падчас агульнага сходу членаў ружы, адбываецца абмен Таямніцамі і вызначэнне новай інтэнцыі.

Чытайце таксама:

Навошта і як маліцца на Ружанцы?

12 крокаў для сапраўднага мужчыны