Ліванская сям'я хрысціла дзіцяці ў гомельскім касцёле [фота]

Незвычайная сям'я прынесла ў гомельскую каталіцкую царкву для хросту маленькага Томаса. Даўнім вернікам касцёла з'яўляецца Антоніа, які жыве ў Гомелі, але калісьці прыехаў з далёкага Лівана. У Беларусі застаўся і ягоны сын Джордж, які знайшоў тут жонку Крысціну. Свайго першынца сужэнцы прынеслі ў царкву, каб прасіць для яго хросту, дароў Святога Духа і вечнага жыцця.

- Галоўная задача бацькоў і хросных - перадаць дзіцяці веру. Але мы не можам даць сваім дзецям тое, чаго самі не маем. Таму вельмі важна самім узрастаць у веры, - адзначыў пробашч айцец Славамір.

Ліван - адзіная арабская дзяржава, на чале якой, згодна з Канстытуцыяй, знаходзіцца хрысціянін (мараніт), прэм'ер-міністр - мусульманін-суніт, спікер парламента - мусульманін-шыіт. Ліван мае самы вялікі працэнт хрысціянскага насельніцтва з арабскіх краін. І хрысціянства, і іслам у Ліване прадстаўлены ў выглядзе мноства разнастайных канфесій. Хрысціяне складаюць 35-40% насельніцтва, у тым ліку мараніты, грэка-праваслаўныя, грэка-католікі, сіра-якавіты, сіра-католікі, армяна-католікі.