Як весці бізнэс па-хрысціянску, раскажа ў Гомелі «Радыё Марыя»
- Written by Katolik.life
- Published in Навіны - Гомель
- Add new comment
Таксама рэдакцыя каталіцкага радыё правядзе семінар для маладых журналістаў.
У суботу, 24 лютага, каманда каталіцкага «Радыё Марыя» ў Беларусі наведае Гомель. Вернікаў з парафіі Нараджэння Божай Маці пазнаёмяць з радыё, якое з'яўляецца часткаю міжнароднай супольнасці «Радыё Марыя», у якой налічваецца амаль 85 радыёстанцый у 72-х краінах свету.
Таксама ў Гомель прывязуць два семінары ад «Радыё Марыя». Гэта моладзевы семінар «Я - журналіст!» і семінар «Хрысціянскі бізнес» - для тых, хто ўжо працуе. На першай сустрэчы, якая будзе доўжыцца 2,5 гадзіны, чакаюць тых, хто жадае даведацца, як зрабіць добрае і цікавае інтэрв'ю, як правільна ставіць пытанні, як эфектыўна камунікаваць з людзьмі. А яшчэ жадаючым прапануюць паспрабаваць сябе ў ролі сапраўднага журналіста. Пераможцы конкурса атрымаюць магчымасць падрыхтаваць сапраўднае інтэрв'ю для «РМ».
Другая сустрэча – для ўладальнікаў і супрацоўнікаў малога і сярэдняга бізнэсу, індывідуальных прадпрымальнікаў і ўсіх, хто жадае працаваць і зарабляць па-хрысціянску. Семінар практыкум разлічаны на тры гадзіны.
Жадаючых удзельнічаць у сустрэчах просяць загадзя запісацца ў гомельскага пробашча па тэлефоне +375 29 7250113 (кс. Юры).
Related items
-
«Ён не прасіў аб адстаўцы». Парафіяне – аб звальненні пробашча Чырвонага касцёла
-
Мітрапаліт змяніў пробашча закрытага Чырвонага касцёла ў Мінску
-
Не толькі аўто. У касцёлах масава асвячаюць транспартныя сродкі
-
Васільковы шлюб па-каталіцку: фота стылёвага вянчання паказалі ў Будславе
-
«Гэта ікона здзяйсняе жаданні». БелСМІ маніпулюе рэлігіяй, каб сабраць лайкі