Беларускія каталікі арганізавалі малітву на Ружанцы праз Skype

Студзень 29, 2014
Written by katolik-gomel.by
Published in Навіны - Гомель
Add new comment

Ініцыятыва прысвечана 100-годдзю Фацімскіх аб'яўленняў Божай Маці і накіравана на іх больш глыбокае пазнанне.

Новая ініцыятыва каталікоў з выкарыстаннем новых тэхналогій развіваецца ў Беларусі. Да 100-годдзя Фацімскіх аб'яўленняў Божай Маці, якое будзе адзначацца ў 2017 годзе, вернікі арганізавалі малітву на Ружанцы праз Skype.

Малітва праходзіць штодня ў 22.00 па беларускім часе. Жадаючых далучыцца да інтэрактыўнага Ружанца просяць дасылаць свой ID ў Skype на электронны адрас catholic.zhodzina@gmail.com.

Мэтай малітвы з'яўляецца больш глыбокае пазнанне аб'яўленняў Панны Марыі, а таксама адказ на яе заклік да малітвы. Пакуль у сустрэчах праз аўдыёсувязь ў Skype ўдзельнічаюць да 20 чалавек, у тым ліку з суседніх з Беларуссю краін. У будучыні плануецца арганізаваць некалькі груп, якія будуць маліцца ў розны час.

Tagged under