У Гомелі маліліся аб усіх цяжарных і аб адмове медыкаў ад правядзення абортаў
- Written by katolik-gomel.by
- Published in Навіны - Гомель
- Comments (1)
Каля 200 ненароджаных дзяцей паспрабуюць выратаваць ад смерці гомельскія каталікі з дапамогай малітвы.
На святочнай Імшы ў дзень Звеставання Пана, калі Найсвяцейшая Панна Марыя даведалася аб тым, што народзіць Збавіцеля, у гомельскім касцёле маліліся аб усіх цяжарных жанчынах і медыках-гінеколагах, просячы Бога аб тым, каб яны адмовіліся ад правядзення абортаў.
- Просім за жанчын, якія носяць пад сваім сэрцам новае жыццё, пра мужнасць бацькоў адважыцца на нараджэнне дзіцяці і любові да яго, а таксама аб медыках, якія закліканы абараняць жыццё, а не забіваць яго, - маліўся пробашч парафіі айцец Славамір разам з вернікамі.
Як гаворыцца ў паведамленні каталіцкіх біскупаў Беларусі, апублікаваным да дня Звеставання, сёння цяжарныя маці больш, чым калі-небудзь, патрабуюць закліку да Бога, бо сучасны свет у такіх цяжкіх сітуацыях прапануе ім іншае выйсце, якое супярэчыць маральнаму і Божаму закону:
«Жанчыне, якая перажывае крызіс, звязаны з прыняццем станоўчага рашэння нарадзіць дзіця, прапануюць аборт, інакш кажучы дзетазабойства».
- Як казалі святыя, народ, што знішчае сваё нашчадства, чакаюць войны ў выглядзе Божай кары, паколькі забойства дзяцей - гэта гэта вельмі страшны грэх, - нагадаў святар.
Таксама ў Звеставанне гомельскія каталікі пачалі традыцыйную акцыю духоўнага ўсынаўлення: 9-месячную малітву за ненароджанага дзіцяці, якому пагражае аборт. Каля 200 вернікаў касцёла заявілі пра свой намер такога духоўнага ўсынаўлення.
Related items
- Дыскатэкай на ўсю вуліцу адзначаюць на Гродзеншчыне... Першую Камунію ў дзяцей
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын