«Місіс Беларусь» з мужам прыме ўдзел у «Тыдні без абортаў» у Гомелі
- Written by katolik-gomel.by
- Published in Навіны - Гомель
- Add new comment
З удзелам Юліі Перагудавай у бліжэйшы час плануюць зняць відэаролік і падрыхтаваць білборд на тэму захавання жыцця.
Першая ў гісторыі краіны «Місіс Беларусь», 31-гадовая гамяльчанка Юлія Перагудава разам са сваім мужам Дзмітрыем будзе актыўна ўдзельнічаць у акцыях у рамках «Тыдня без абортаў», які ўпершыню пройдзе ў Гомелі 13-18 кастрычніка.
Юлія Перагудава была абрана «Місіс Беларусь-2014» у траўні гэтага года. У сям'і Юліі і Дзмітрыя ўжо двое дзяцей. Самая прыгожая сямейная жанчына Беларусі ўбачыла сваё пакліканне ў барацьбе за захаванне новага жыцця і сама патэлефанавала ў грамадскае аб'яднанне «Выратаванне немаўлятаў», прапанаваўшы свае паслугі.
- Мне вельмі балюча глядзець на дарослых жанчын, якіх некалі не спынілі ад абортаў. Цяпер яны спрабуюць нарадзіць, але беспаспяхова. Сутыкнуўшыся з многімі такімі жанчынамі, я зразумела, што мой абавязак - спыняць новае пакаленне ад абортаў, - тлумачыць Гомельскаму каталіцкаму парталу свае матывы Юлія.
Яна гатовая ўдзельнічаць у акцыі любым чынам: раздаваць на вуліцы ўлёткі, гутарыць з цяжарнымі ў жаночых кансультацыях, а асабліва хоча пагаварыць з маладымі мужчынамі:
- Калі яны адпраўляюць сваіх любімых на аборты, часта нават не ўсведамляюць, якога роду гэта будзе працэдура. А з дзяўчатамі планую таксама размаўляць пра тое, у чым розніца шлюбу афіцыйнага і грамадзянскага, і чым звычайна заканчваецца моднае сёння сужыццё.
Дарэчы, з удзелам Юліі ў бліжэйшы час плануюць зняць відэаролік і падрыхтаваць білборд на тэму захавання жыцця.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы