Больш за 150 скаўтаў з Беларусі адправіліся на еўрапейскую сустрэчу ў Францыю
- Written by katolik-gomel.by
- Published in Скаўты - Гомель
- Add new comment
На цэнтральнай падзеі ў жыцці еўрапейскіх скаўтаў збярэцца 12 тысяч хлопцаў і дзяўчат з 18 краін.
Больш за 150 каталіцкіх скаўтаў з усёй Беларусі - хлопцаў і дзяўчат - адправіліся на галоўную падзею ў жыцці скаўтаў, якія практыкуюць педагогіку FSE - «Еўраджэм» або агульнаеўрапейскі летнік.
Сустрэча пройдзе 3-10 жніўня ў Нармандыі (Францыя). Плануецца, што ў ёй возьмуць удзел 12 тысяч хлопцаў і дзяўчат з 18 краін Еўропы і Паўночнай Амерыкі.
Упершыню ў такой сустрэчы будуць удзельнічаць гомельцы. 28 чалавек, з іх чацвёра дарослых, прадставяць на «Еўраджэме» гомельскую скаўцкую дружыну святога Андрэя Баболі.
Дабірацца да Нармандыі ўсе беларускія скаўты будуць на аўтобусах, па дарозе начуючы ў паходных умовах. Жыллё сабе ў лесе яны будуць цалкам будаваць самі. Акрамя ўдзелу ў захапляльных мерапрыемствах летніка беларусы плануюць наведаць з аднадзённай экскурсіяй Парыж, Прагу і здзейсніць пілігрымку ў горад Лізьё, дзе жыла святая Тэрэза ад Дзіцятка Ісуса, мошчы якой у мінулым годзе сустракалі ў Беларусі.
У якасці дэвізу «Еўраджэму» абраныя словы з псалмоў: Venite et videte - Ідзі і глядзі. Як кажуць арганізатары, гэтыя словы з'яўляюцца запрашэннем знайсці Божыя справы ў свеце і ў нашым жыцці.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам
- Opus Dei адказаў на абвінавачванні FT у «эксплуатацыі»