«Карытас-Міласэрнасць» працягне дапамогу афтальмалагічнаму аддзяленню гомельскай бальніцы
- Written by Алина Приходько
- Published in Карытас - Гомель
- Add new comment
У год бацькі наведваюць маленькіх пацыентаў больш за 3 тысяч разоў, а ўмоваў для зносін з дзіцем і лекарам пакуль няма.
Дабрачынная каталіцкая місія «Карытас-Міласэрнасць» працягне работу з дзіцячым афтальмалагічным аддзяленнем Гомельскай абласной клінічнай спецыялізаванай бальніцы. У прыватнасці, там плануецца адрамантаваць і ўладкаваць пакой сустрэч бацькоў з дзецьмі.
За апошнія 9 месяцаў 2014 года тут пралячылі 1100 чалавек, з іх 49 - з дзіцячых дамоў і 32 дзіцяці-інваліда па зроку. Па кансультацыі звярталася каля 8100 чалавек. Пры знаходжанні ў аддзяленні дзіцяці за 14 дзён бацькі наведваюць яго 3-4 разы, што ў год складае 3 - 3,5 тысяч наведванняў. Бацькам часта даводзіцца чакаць дзіцяці на калідоры. Таму бальніцы неабходны пакой для наведванняў, які таксама будзе выконваць інфармацыйныя функцыі па прафілактыцы пагаршэння зроку, лячэбнай гімнастыцы і лячэнні дзіцяці ў хатніх умовах. У дадзеным пакоі можна будзе і праводзіць кансультацыі з лекарам.
- Таму мы спадзяемся, што пры з'яўленні такога пакоя сустрэч будзе палепшана арганізацыя работы дзіцячага афтальмалагічнага аддзялення падчас знаходжання ў ім наведвальнікаў і дзяцей, а таксама сама праца персаналу, - адзначылі ў ДКМ «Карытас-Міласэрнасць».
Related items
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі