Кампутарную тэхніку гомельскай бальніцы падарыла дабрачынная каталіцкая арганізацыя
- Written by Алина Приходько
- Published in Карытас - Гомель
- Add new comment
У далейшым плануецца абсталяваць гульнявы пакой: ўпрыгожыць сцены, закупіць новыя гульні, мяккую і не траўманебяспечную мэблю.
Дабрачынная каталіцкая місія «Карытас-Міласэрнасць» пачала аказваць дапамогу дзіцячаму афтальмалагічнаму аддзяленню Гомельскай абласной спецыялізаванай клінічнай бальніцы. Ужо закуплены два ноўтбукі і два кампутары для ўсталявання новых праграм для дзяцей, што лечацца ў аддзяленні.
- Гэтыя спецыяльныя праграмы ёсць у аддзяленні ўжо даўно, але яны не выкарыстоўваліся, бо на старой кампутарнай тэхніцы праграмы проста не ішлі. А зараз у дзяцей з'явіцца магчымасць больш эфектыўнага лячэння і рэабілітацыі пасля аперацый і іншых працэдур, - распавялі ў ДКМ «Карытас-Міласэрнасць».
У далейшым плануецца абсталяваць гульнявы пакой для дзяцей: ўпрыгожыць сцены новымі мяккімі стэндамі з развіваючымі дэталямі, закупіць новыя гульні з дробнымі дэталямі, мяккую і не траўманебяспечную мэблю.
- Спадзяемся, што ў дзяцей у бальніцы палепшыцца настрой і псіхалагічны стан, калі будзе месца, дзе яны змогуць пагуляць, павесяліцца, а персанал будзе ведаць, што дзеці не стукнуцца аб кут або не параняць сябе выпадкова, - адзначылі ў ДКМ «Карытас-Міласэрнасць».
Пакуль у Гомельскай вобласці дзейнічае толькі адно такое аддзяленне, разлічанае на 40 дзяцей ва ўзросце да 16 гадоў. Але ў сувязі з вострай неабходнасцю ў аддзяленні на стацыянары знаходзяцца па 50-60 хлопчыкаў і дзяўчынак. На працягу года з Гомельскай вобласці дапамогу атрымліваюць 1500 дзяцей на стацыянарным узроўні і каля 8000 кансультатыўна.
Related items
- Не фэйкі і не хакеры: «Радыё Марыя» працягвае збор і тлумачыць непаразуменні
- Без цуду, але з падтрымкай: як «Радыё Марыя» выходзіць з цяжкай сітуацыі
- Папа Рымскі прыняў у Ватыкане шамана – той папрасіў аб дапамозе
- Паранены святар, пасадка бульбы: як жывуць пры абстрэлах вернікі Харкава і рэгіёну
- На ўзроўні цуда. «Радыё Марыя ў Беларусі» можа пазбавіцца памяшкання і просіць дапамогі