Аўстрыйцы навучылі супрацоўнікаў гомельскіх саццэнтраў рабоце з інвалідамі

За гэты час прайшло дастаткова шмат семінараў, бацькоўскіх сустрэч і супервізій, якія праводзілі спецыялісты з Верхняй Аўстрыі, спецыяльна прыязджаючы ў Беларусь для навучання мясцовых супрацоўнікаў з сацыяльных цэнтраў новым напрамкам, метадам і праграмам па рабоце з маладымі інвалідамі з рознымі ступенямі фізічных і разумовых адхіленняў. На семінарах былі прадстаўлены розныя карысныя тэмы, праводзілася практычная работа з удзельнікамі, дэманстраваліся фільмы. Спецыялісты заўсёды былі гатовыя адказаць на ўсе пытанні і падзяліцца сваім досведам з практычнай дзейнасці.

На жаль, наша грамадства не дастаткова гатова для прыняцця такіх людзей у сваё жыццё і не гатова падарыць ім крыху свайго часу. Часта нам здаецца, што гэтыя людзі нічога не ўмеюць, і часам мы не разумеем, навошта яны патрэбныя ў грамадстве, некаторыя лічаць, што яны проста бескарысныя. Але гэта не праўда! Таму што сярод гэтых людзей вельмі шмат талентаў, яны настолькі уседліва, старанна і акуратна выконваюць сваю няхай нават самую простую працу, што часам могуць даць фору абсалютна здаровым людзям. Толькі ім неабходна ўвага, навучанне і шанец на працу. Вельмі многія з іх жадаюць працаваць, але не могуць па прычыне свайго дыягназу, альбо з прычыны атрымання непрацоўнай групы інваліднасці, альбо па іншых нейкіх паказчыках. Таксама, на жаль, не заўсёды прадугледжаны і нават не створаны ўмовы працы для гэтай катэгорыі людзей.

Але мы спадзяемся, што ў бліжэйшым часе знойдуцца кіраўнікі, дырэктары, якія не спалохаюцца цяжкасцяў і будуць гатовыя прыняць на працу маладых інвалідаў і дадуць ім гэты шанец у жыцці.