BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Хрысціянскія адказы на вечныя пытанні

Як стаць багатым? Як стаць шчаслівым? Што такое любоў? Як стаць дабрэйшым? Як стаць прыгожай? І нават - навошта чытаць Біблію? Вось адны з самых папулярных пошукавых запытаў у інтэрнэце.

Людзі шукаюць адказы на вечныя пытанні. Калісьці шукалі ў кнігах, пыталіся пра гэта ў мудрацоў і настаўнікаў, а цяпер - у Гугла і Яндэкса :)) Чаму б нам не прывесці простыя хрысціянскія адказы на вечныя пытанні? Давайце паспрабуем разам!

Скажу адразу - я не святар, а просты вернік каталіцкай царквы. Але праўды, пра якія распавёў Ісус, не толькі прыняў, але ўжо і паспеў праверыць іх у сваім жыцці. Таму магу сказаць упэўнена: гэта працуе! Буду сцвярджаць тое, што ведаю па сваім досведзе, а вы дададзіце, ок?

Як стаць багатым? Не парыцца пра грошы! У маёй сям'і грошай заўсёды хапае на ўсё неабходнае. Што кажа Біблія пра грошы? Вось словы Езуса:

- Не турбуйцеся дзеля душы вашае, што вам есці і што піць, ні дзеля цела вашага, у што апрануцца. Душа ці не большая за ежу, і цела за адзенне? (...) Шукайце ж найперш Царства Божага і праўды Яго, і ўсё дадасца вам. (Больш цытат з Бібліі пра грошы - тут >>>)

Калі я не трасуся над грашыма і не пакланяюся ім, лічачы, што яны - галоўнае ў жыцці, даю міласціну і не скнарнічаю, Айцец Нябесны пасылае мне ўсё больш матэрыяльных дабротаў!

Як стаць шчаслівым? Хай будзе Воля Твая - так нас вучыць маліцца Хрыстос. Сапраўды, немагчыма стаць шчаслівым, ідучы супраць Волі Бога. Бо толькі Ён лепш за нас і любога сябра, бацькі, настаўніка ведае, што нам трэба для шчасця. Бо Гасподзь любіць нас і хоча, каб мы былі шчаслівымі!

Упэўнены, кожны не раз заўважаў: знешне паспяховы, багаты чалавек можа жыць няшчасна, а вочы бедняка і няўдачніка, у тым сэнсе, як гэта разумеюць у грамадстве, могуць пастаянна выпраменьваць шчасце. У чым жа справа? Не кожны будзе шчаслівы, маючы шмат грошай. Гасподзь ведае, што нечую душу багацце або поспех, дабрабыт або ўсё тое, да чаго мы так імкнёмся, можа проста забіць. І не дае гэтага - з любові.

Воля Айца Нябеснага, а значыць, наша шчасце, для кожнага індывідуальная. Для кагосьці гэта сямейнае жыццё з кучай дзяцей, для кагосьці манаства. І яшчэ дзесяткі і сотні варыянтаў. Таму Царква заклікае шукаць Волю Божую - праз малітву і праз Слова Госпада.

Але тое, што Бог хоча абсалютна для кожнага чалавека, выкладзена ў Ягоных запаведзях. А галоўныя з іх - любі Бога і бліжняга, як самога сябе. Так мы падышлі да наступнага пытання: што такое любоў? Адказ просты: любіць - значыць, жыць для іншага, а не для сябе. Прыклад любові таксама бярэм у Ісуса: Ён любіць нас так, што нават памёр за нас страшнай смерцю, зусім яе не заслугоўваючы. Праўда, мы з-за нашай грахоўнай прыроды, не здольныя на такое самі. Але Гасподзь можа даць нам гэтую любоў і сілу, якую нішто не адолее.

Як стаць дабрэйшым, таксама відавочна. Я часта бываю злосны на сваіх блізкіх дый на людзей наогул, нават мала мне знаёмых. І зразумеў, што станаўлюся такім, калі не маю ў сэрцы мір ад Бога, калі яно закрытае ад Хрыста і зачарсцвелае. Але варта толькі адкрыць сэрца і папрасіць Езуса ўвайсці ў яго, як усё адразу мяняецца. Гасподзь творыць цуды!

Як стаць прыгожай? Пластычныя аперацыі ў гэтым дакладна не дапамогуць. Ну, на нейкі час - можа быць. Наша цела - гэта храм Божы, Яго стварэнне. Толькі Гасподзь ведае, чаму Ён стварыў кагосьці прыгажуном, а кагосьці інвалідам. У любым выпадку, усё гэта не спросту, і неабходна для нашага выратавання. Ёсць у кожнага і свой крыж, неабходны для нашага ўваскрэсення ў Царстве Божым. Для кагосьці, магчыма, крыжам з'яўляецца знешнасць.

Але многія не раз заўважалі, што быццам прыгожы па ўсіх мерках чалавек можа выклікаць непрыяцце, а да дзяўчыны або хлопца з пасрэднай знешнасцю наадварот цягнуцца людзі. Бо прыгажосць целу дае тое, што яго напаўняе - нашая душа! І Дух Святы, які мы можам прыняць, усё змяняе!

Напэўна, ужо стала зразумела, навошта чытаць Біблію. Бо дзе, як не ў Бібліі, мы даведаемся тое, што кажа нам Гасподзь? Дзе, як не ў Бібліі, знойдзем Ягоную Волю і адказы на іншыя вечныя пытанні? Біблія і яе Добрая Вестка умацоўвае нас у гадзіны смутку, накіроўвае, падказвае, дае радасць і вучыць любіць.

А якія вы атрымалі адказы на вечныя пытанні ў сваім жыцці? Падзяліцеся у каментарах!

Last modified onПятніца, 11 Ліпень 2014 13:10
Каментары   
0 #1 Павел 2013-01-17 18:02
Кстати, приглашаем присылать и свои Мнения на любые актуальные темы! Вы можете поделиться и своим опытом отношений с Богом, и этим помочь другим людям обратиться к Иисусу, Который меняет нашу жизнь.
Цытаваць | Паведаміць мадэратару
Дадаць каментарый

Ахоўны код
Абнавіць