Першы пост Папы ў Instagram: маліцеся за мяне [ВІДЭА]
- Written by katolik-gomel.by
- Published in Папа Рымскі
- Add new comment
Пры гэтым прысутнічаў заснавальнік сацсеткі Кевін Сістром.
19 сакавіка 2016 г. пачаў дзейнічаць акаўнт папы Францішка ў “Instagram”. Пры актывацыі профіля Святога Айца прысутнічалі сузаснавальнік гэтай медыяплатформы, амерыканскі праграміст і бізнесмен Кэвін Сістрам, і сакратар Сакратарыяту па камунікацыі Апостальскай Сталіцы, кс. Лусіа Адрыян Руіс.
Профіль Пантыфіка называецца “@Franciscus” (з лацінскай мовы – Францішак). Першы фотаздымак, які на ім быў апублікаваны, прадстаўляе Папу, засяроджанага на малітве. Тут быў размешчаны таксама заклік: “Маліцеся за мяне” на дзевяці мовах: англійскай, іспанскай, італьянскай, арабскай, французскай, польскай, партугальскай, нямецкай і лацінскай. За першыя некалькі гадзін працы профіля да яго далучыліся больш за 250 тыс. карыстаўльнікаў сацыяльнай сеткі.
Пра гэту падзею Францішак паведаміў праз свой афіцыйны акаўнт у іншай медыяплатформе, “Twitter”. “Я пачынаю новы шлях, у “Instagram”, каб прайсці разам з вамі шляхам міласэрнасці і пяшчоты Бога”, - напісаў Пантыфік.
Media
Related items
-
«Сцяна плачу». Экс-пробашч нагадаў пра закрыты Чырвоны касцёл
-
Чарговы храм пацярпеў ад вайны – гэтым разам у Адэсе
-
Беларускі біскуп заклікаў да малітвы за перамовы Украіны і Расіі
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
«Жыццё пачынаецца там, дзе знікае 5G». Святар з Віцебска выпускае кнігу – для падлеткаў