Трэцяя ў Беларусі скаўцкая дружына ўтворана ў Гомелі [фота, відэа]
- Written by gomel.catholic.by
- Published in Скаўты - Гомель
- Add new comment
У гонар знамянальнай падзеі скаўты падкінулі ўгору свае берэты і новага дружыновага.
28 красавіка 2013 - новая дата ў гісторыі скаўцкага руху ў Беларусі. У гэты дзень у Гомелі ўтворана дружына скаўтаў, якія практыкуюць педагогіку FSE - Федэрацыі скаўтаў Еўропы.
Гомельская дружына стала трэцяй у Беларусі. З гэтага часу група гомельскіх скаўтаў мае свой сцяг і кіраўніка - верніка гомельскага касцёла Станіслава Чаропку, якога прызначыў дружыновым начальнік скаўтаў на Беларусі Павал Граковіч.
Таксама ў Гомель прыбыла Вольга Гарашэвіч - начальніца скаўтак на Беларусі, якая прызначыла кіраўніцай мясцовага «звязу» дзяўчат-скаўтак Аксану Шымковіч, а таксама ўрачыста прыняла ў скаўткі яе памочніцу Вольгу Клюй.
Свята складалася з удзелу ў Святой Імшы, урачыстага шыхтавання, рухомых гульняў і салодкага стала. У гонар знамянальнай падзеі скаўты падкінулі ўверх свае берэты і новага дружыновага.
- Чысціня вашага жыцця будзе дапамагаць іншым знаходзіць Ісуса Хрыста і разумець праз вашыя добрыя ўчынкі, што Бог любіць усіх людзей. Жадаю, каб вы былі добрым інструментам у руках Божых, - звярнуўся да скаўтаў гомельскі пробашч айцец Славамір.
Media
Related items
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні