BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Цуд на Каляды: вясёлка зімой і нараджэнне Месяца [фота]

Пасля некалькіх тыдняў пахмурнага неба днём выйшла сонца, хмары рассеяліся, і вернікі змаглі ўбачыць першую зорку, каб сесці за стол на Вігілію.

Незвычайныя прыродныя з'явы суправаджалі на Гомельшчыне 24 снежня - чацвёртую нядзелю Адвэнту ў католікаў. Адначасова гэты дзень стаў апошнім перад святам Божага Нараджэння. Дзіўна, але днём надвор'е рэзка змянілася, і пасля некалькіх тыдняў пастаянна шэрага неба хмары рассеяліся і паказалася сонца. А дзесьці побач ішоў дождж, і многія змаглі заўважыць вясёлку, піша Katolik.life. Гэта адбылося 24 снежня - сапраўдная зімовая вясёлка!

А калі сцямнела, неба працягвала заставацца чыстым, таму можна было ўбачыць зоркі. Па традыцыі, на Вігілію (вечар перад Калядамі) трэба садзіцца за стол пасля першай зоркі.

Больш за тое, Гасподзь падараваў сюрпрыз і праз Месяц: з-за атмасферных умоваў вакол яркага начнога свяціла утварыўся арэол. Менавіта ў гэтую ноч Месяц праходзіў фазу свайго «нараджэння» і быццам бы з'яўляўся з нутробы, якая атрымалася дзякуючы арэолу. Што, калі не Божае Нараджэнне, сімвалізаваў гэты незвычайны Месяц!

Last modified onПанядзелак, 25 Снежань 2017 03:42

Дадаць каментарый

Ахоўны код
Абнавіць