Католікі Глыбокага сабралі для хворага дзіцяці 340 еўра

Католікі Глыбокага правялі акцыю па зборы грошай для хворага дзіцяці. У мясцовай парафіі Найсвяцейшай Тройцы вернікі сабралі суму ў 340 еўра для Вані Зубко. 4-гадовы хлопчык стаў інвалідам з самага нараджэння з-за памылкі лекараў - так кажа яго маці. Цяпер у дзіцяці ДПЦ і эпілепсія, а лячэнне за мяжой каштуе танней. Сям'я дамовілася на рэабілітацыю ў медцэнтры ў Польшчы і мае патрэбу ў 2 тыс. 920 еўра, якія неабходна сабраць да 1 ліпеня.

Усяго з 19 красавіка на дадзены момант сабрана 795 еўра, самы буйны ўклад ўнеслі католікі Глыбокага. Зараз сям'і засталося сабраць 1225 еўра, паведамляюць у групе «Дапаможам маленькаму Ванечку Зубко!» у сацсетцы.