200-годдзе беларуска-польскага класіка Уладзіслава Сыракомлі адзначылі ў Беларусі

200 год з дня нараджэння выбітнага літарата, якога шануюць беларусы, літоўцы і палякі, – Уладзіслава Сыракомлі – адзначае таксама і каталіцкая супольнасць Беларусі. У Нясвіжы, дзе працяглы час жыў Людвік Кандратовіч – гэта сапраўднае імя творцы – 30 верасня цэлебравалі святую Імшу ў касцёле ў інтэнцыі знакамітага класіка, паведаміла ў сацсетцы Сабіна Вяршалінская.

А напярэдадні «Радыё Марыя» выпусціла перадачу да 200-годдзя з дня нараджэння Уладзіслава Сыракомлі. Пра паэта і ягоную творчасць расказвае даследчык Павал Булаты. Ён адказаў на пытанні, ці быў Сыракомля папулярным паэтам пры жыцці, які твор з'яўляецца ягонай візітоўкай, на якія тэксты Сыракомлі кампазітары пісалі песні і рамансы? А таксама – чаму Янка Купала лічыў Сыракомлю адным з самых сваіх любімых аўтараў і што вядома пра асабістае жыццё творцы.

Наш канал в Telegram – только интересное и важное. Подписаться >

Уладзіслава Сыракомлю называюць песняром Літвы (Беларусі), паэтам «Вясны народаў», творцам глыбокіх дэмакратычных перакананняў і хрысціянскай духоўнасці.