Старэнькая ялінка ля алтарыка ў вёсцы – мілыя фота вяртаюць у дзяцінства

Як у дзяцінстве ў мамы ці бабулі – такія цёплыя пачуцці выклікаюць фота, апублікаваныя каталіцкай верніцай Сафіяй Сямісотавай. Пры тым, што яна сама ўжо таксама бабуля. Верніца выклала фота з дома, у якім правяла дзяцінства, і распавяла пра сваю маму:

«Раство ў вёсцы! Як шмат цяпла і ўтульнасці ў гэтай прастаце! Бо гэта ўспаміны майго дзяцінства! Гэты дом мяне заўсёды памятае і чакае! І толькі тут я заўсёды буду як дзіця! Тут можна распаліць печку, пабыць у цішыні і бясконца хочацца глядзець у акно, быццам кагосьці чакаю! Але тут я і памяць! І гэта і ёсць самыя шчаслівыя моманты ў гэтыя апошнія дні адыходзячага года!», – напісала Сафія.

Яна распавяла, што алтар на фота зладзіла яе мама, тут яна заўсёды малілася:

«Як бы цяжка яна ні працавала, але ўвечары станавілася на калені, брала ў рукі ружанец і малілася, і мы ніколі не чулі, калі яна клалася спаць. Але перад гэтым абавязкова малілася з дзецьмі – вось гэта і была для мяне самая вялікая навука!»

Наш канал в Telegram – только интересное и важное. Подписаться >