«Святар» з Беларусі засвяціўся на прайдзе ў Малдове – нагадваем, хто ён

У сеціве распаўсюджваецца відэа з гей-параду ў Кішынёве 15 чэрвеня, адзін з удзельнікаў якога прадставіўся як «святар старакаталіцкай царквы» і прыйшоў на акцыю ў адпаведным уборы.

Мы пазналі чалавека на відэа, і каб яно не ўводзіла ў зман, вырашылі нагадаць, што «святар» не мае ніякага дачынення да Каталіцкай Царквы. Гэта той самы жыхар Навагрудка, які рабіў правакацыйныя публікацыі ў Instagram, быў удзельнікам скандалаў і героем публікацый свецкіх медыя. А таксама паглядзелі, чым ён займаецца цяпер.

Дзмітрый Бондар стаў вядомым у 2018 годзе, калі ў СМІ прадставілі яго як «святара XXI стагоддзя». Ён на самой справе быў пасвечаны ў святары, але не ў Каталіцкай Царкве, а ў самаабвешчанай малаколькаснай супольнасці ў Польшчы, якая называе сябе «старакаталіцкай царквой».

Да гэтага Бондар працаваў у БРСМ і кіраваў мясцовым дзяржпрадпрыемствам кінапракату. У 2019 годзе яго асудзілі за стварэнне небяспекі заражэння ВІЧ – амаль год ён быў у зняволенні.

З тых часоў Бондар больш не з'яўляўся ў інфармацыйнай прасторы. Аказалася, што ён па-ранейшаму вядзе свой Instagram, выкладвае відэа на «духоўныя» тэмы, таксама паказвае падабенства адпраўлення Імшы.

Мяркуючы па ягоных пастах, апошнім часам Бондар жыве ў Польшчы, «служыць» у Беластоку. Верагодна, у Кішынёў ён прыязджаў спецыяльна для ўдзелу ў прайдзе, правядзенне якога, дарэчы, не было дазволена ўладамі.

Апошняе фота з выглядам Навагрудка, прычым, на фоне каталіцкага храма, Бондар выкладваў у 2022 годзе.

Наш канал в Telegram – только интересное и важное. Подписаться >