«Будзьце асцярожныя». Экзарцыст адказаў, ці небяспечныя Лабубу для дзяцей і дарослых

Ліпень 18, 2025
Written by KATOLIK.LIFE
Published in Соцыум
Add new comment

Праўда, відэа запісаў канал, які шукае канспіралогію.

UPD: Іншае меркаванне: не трэба баяцца Лабубу і астатніх цацак-«монстраў»

Экзарцыст Віцебскай дыяцэзіі РКЦ, пробашч парафіі ў Глыбокім ксёндз Мікалай Ціхановіч прыняў удзел у стварэнні відэа пра папулярныя цацкі Лабубу. Святар пракаментаваў трэнд, адзначыўшы, што гэты персанаж – правобраз дэмана, таму нясе сувязь са злым духам.

Пры гэтым Лабубу прадавалі нават на каталіцкім фэсце ў Будславе, заўважыў ксёндз.

Экзарцыст лічыць, што папулярызацыя Лабубу з'яўляецца «свайго роду прасоўваннем у масы сатанізму» і падкрэсліў, што дзеці, гуляючы з такімі цацкамі, прывыкаюць да дэманічных вобразаў:

«Зло – гэта не міф, яно існуе як асоба, дэманічны свет – гэта рэальнасць».

Святар перасцярог бацькоў, заклікаўшы задумацца, што яны купляюць.

Адзначым, што відэа, рэпост якога зрабіла парафія, створана каналам, які шукае канспіралогію ў многіх з'явах, таму рэкамендуем слухаць толькі каментар святара ў дадзеным роліку.