Толькі адна група была заўважаная на Юбілеі моладзі ў Рыме з беларускім дзяржсцягам

Жнівень 3, 2025
Written by KATOLIK.LIFE
Published in Соцыум
Add new comment

Праўда, гэта былі, у асноўным, не маладыя вернікі.

У Рыме 3 жніўня завяршылася найбуйнейшая падзея Святога 2025 года ў Каталіцкай царкве – Юбілей моладзі. На свята сабраліся паломнікі з каля 140 краін свету, у тым ліку вернікі з Беларусі.

На міжнародных каталіцкіх сустрэчах, такіх як Сусветныя дні моладзі, многія групы выкарыстоўваюць сцягі сваіх краін. Так раней рабілі і пілігрымы з Беларусі – некаторыя прывозілі з сабой дзяржаўныя сцягі, іншыя – нацыянальныя, гістарычныя.

На шматлікіх фота і відэа з цяперашняга міжнароднага мерапрыемства мы не заўважалі беларускія сцягі – ні адны, ні іншыя – па зразумелых прычынах.

Толькі ў адной групы на здымках быў бачны дзяржсцяг – гэта ўдзельнікі Нэакатэхуменальнага шляху з Гомеля. Некаторыя з гэтай групы выкарыстоўвалі ў Рыме дзяржсцяг. У асноўным, гэта былі не маладыя вернікі.

Не выключаем, што сцягі прывозілі з сабой і іншыя групы, але не пазіравалі з імі на фота – прынамсі, мы такіх здымкаў пакуль не сустракалі.