100-гадовы арган ізноў гучыць у Гожы пасля 50-гадовага маўчання
- Written by katolik-gomel.by
- Published in Царква
- Add new comment
Польскія спецыялісты правялі капітальны рамонт інструмента за кошт ахвяраванняў вернікаў.
Арган у касцёле святых апосталаў Пятра і Паўла ў Гожы пад Гродна вярнулі да жыцця. Арган быў выраблены фірмай "Эміль Марцін" У 1913 годзе ў Рызе, тады ж яго ўсталявалі ў касцёле, але апошнія 50 гадоў ён бяздзейнічаў. Але польскія спецыялісты правялі капітальны рамонт інструмента за кошт ахвяраванняў вернікаў, і 8 лістапада ён будзе ўрачыста асвечаны біскупам Гродзенскім Аляксандрам Кашкевічам. А пасля Імшы пройдзе канцэрт - на стогадовым аргане ўпершыню будзе граць вядомы ў Гродне піяніст і арганіст Бруна Тэрмэн.
Дарэчы, парафія святых Пятра і Паўла ў Гожы заснавана ў 1494 годзе. А цяперашні каменны касцёл пабудаваны ў 1862 годзе, паведамляе БелТА.