На дрэве ў Мікашэвічах людзі ўбачылі аблічча Багародзіцы
- Written by katolik-gomel.by
- Published in Царква
- Add new comment
Але Царква нагадвае: пакланяцца дрэву, класці пад яго грошы і цукеркі - гэта паганства і святатацтва.
Аб чарговым выпадку нібыта праявы на дрэве Нерукатворнай выявы Найсвяцейшай Панны Марыі пішуць беларускія СМІ. Як паведамляецца, абрысы аблічча Багародзіцы мясцовыя жыхары ўбачылі на дубе, які расце на старых могілках у райцэнтры Мікашэвічы Брэсцкай вобласці.
Па словах адной з мясцовых жыхарак, малюнак спачатку быў недакладным, быў бачны толькі сілуэт, але паступова абрысы станавіліся больш прыкметнымі. Мясцовыя жыхары ўжо павязалі на дрэва дзясяткі ручнікоў і стужачак, штодня ў да дуба прыходзяць і прыязджаюць дзясяткі «паломнікаў».
Аднак падобныя «цуды», як правіла, Царква не прызнае. Калі аблічча Багародзіцы таксама ўбачылі на дрэве 2012 годзе ў вёсцы Губарэвічы Хойніцкага раёна, праваслаўны епіскап Тураўскі і Мазырскі Стэфан расчараваў «вернікаў», адзначыўшы, што ніякага аблічча і цуду на дрэве ён не ўбачыў. І патлумачыў людзям, што гэта паганства і святатацтва: класці пад дрэва грошы, цукеркі.
Related items
- Святары з Шуміліна застаюцца ў зняволенні, таксама арыштавана парафіянка
- Прыехалі ў касцёл на трох машынах: на Віцебшчыне затрымалі двух святароў
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Праваслаўная Велікодная служба па-беларуску з анлайн-трансляцыяй пройдзе ў Вільні